Le texte de cette page a été corrigé et est conforme au fac-similé.
Si tu veux que je te laisse
O Maistresse,
Tien, affile ce cousteau,
Ouvre ma triste poictrine
Et termine
Mon malheur par le tombeau,
Mais helas ! de quelle rage,
Mon courage
Est dedans moy agité,
Las ! se pourroit-il bien faire
Que contraire
Fuy à soy une beauté.
Pardonne moy je te prie,
Car l'envie
Qui me force à t'obeir,
Fait qu'en toy je veille vivre
Et te suivre
Pour aussi en toy mourir.
Et si jamais de ton ame
Ceste flame
Qui nous brusle doucement,
Chassa l'humeur desdaigneuse,
Sois piteuse
Aux souspirs de ton amant.
Et si ton ame meurtriere
N'est trop fiere,
Ayes-en quelque pitié,
Sinon au mal qui me tue
Continue,
Pour fruict de mon amitié.
Sois moy benigne, ou rebelle,
Sois cruelle,
Ou douce dessus mon cœur,
