bonne eſperance, pource que l’eſtenduë en eſt ſi grande, qu’elle contient le long de la coſte plus de trois mille lieuës, comme l’on pourra voir aiſément par les Globes & les cartes du monde qui en traittent au long, s’il eſt ainſi que leur graduation ſoit veritable. D’ailleurs, ſi ceſte perte aduenoit, ce que Dieu ne permetra point, s’il luy plaiſt, par ſon infinie miſericorde, bien que nous ne le meritions que trop pour noſtre nonchalance, & pour nos pechez, nous courrions fortune de perdre auſſi la doüane de Mandouim, de la ville de Goa, qui eſt la meilleure choſe que le Roy de Portugal ait aux Indes : car c’eſt des Ports & des Iſles que nous auons cy-deuant nommées, d’où dépend la plus grande partie de ſon reuenu ; en quoy ie ne comprens point les eſpiceries telles que ſont la muſcade, & les cloux de giroffle, ny les macis, que l’on apporte de ces contrées en ſon Royaume. D’ailleurs, ie ne treuue pas à propos de parler icy de tout ce que ie pourrois dire de ſurcroiſt ſur ce ſuiet, comme en eſtant teſmoin oculaire, car ce que i’en ay dit me ſemble ſuffire, pour monſtrer la grande importance de cette affaire, qui ne ſera pas ſi toſt reconneuë que ie m’aſſeure qu’on y apportera du remede. Maintenant, pour reuenir à mon diſcours, ie diray que ce Tyran d’Achem fut conſeillé par les ſiens, que s’il vouloit prendre Malaca, il n’en pourroit venir à bout en aucune façon que ce fuſt s’il l’attaquoit par mer, comme il auoit fait deſia pluſieurs fois, au temps que Dom Eſtienne de Gama, & ſes predeceſſeurs eſtoient Capitaines de la fortereſſe, ou bien que pour s’en rendre maiſtre de ce coſté, il falloit qu’il gaignaſt premierement le Royaume d’Aaru, afin de ſe fortifier par apres ſur la riuiere de Panetican, où ſes armes pourroient ſouſtenir de plus prés la guerre qu’ils pretendoit de luy faire. Car alors il auroit moyen de fermer auec moindres frais les détroits de Cincapura & de Sabaon, & ainſi empeſcher nos Nauires de paſſer és mers de la Chine, de Sunda, Banda, & des Molucques : ioint que par meſme voye il pourroit auoir les profits de toutes les drogues qui viennent de ce grand Archipelague, afin d’effectuer le nouueau contract, qui par l’entremiſe du Bacha du grand Caire,
Page:Les voyages advantureux de Fernand Mendez Pinto.djvu/110
Le texte de cette page a été corrigé et est conforme au fac-similé.
92
Voyages Aduentureux
