uantage, ainſi qu’il nous penſoit auoir trouuez. Antonio de Faria luy demanda s’il recognoiſtroit bien parmy les corps morts celuy de ce Corſaire ? Ayant dit qu’ouy, le Capitaine ſe leua incontinent, & le prenant par la main, s’en alla auec luy dans l’autre Iunco qui eſtoit attaché au ſien, & luy ayant fait voir tous les morts ſur le tillac, il dit que ce n’eſtoit pas vn de ceux-là. Alors il fit équipper vne Manchuas, qui eſt vn petit batteau, dans lequel il le fut chercher luy-meſme auec cet homme, parmy les autres morts qui flottoient ſur l’eau, où il le treuua auec vn grand coup d’eſpée à la teſte, & vne eſtocade au milieu du corps, & l’ayant fait apporter ſur le tillac du vaiſſeau, il demanda derechef à cet homme ſi c’eſtoit luy, & il fit reſponſe qu’ouy ſans aucune doute. A quoy Antonio de Faria y adiouſta foy à cauſe d’vne groſſe chaiſne d’or qu’il auoit à l’entour de luy, où eſtoit attaché vne idole d’or de deux teſtes, faite en forme de lezard, auec la queuë & les pattes eſmaillées de verd & de noir, & l’ayant fait traiſner vers la prouë, il luy fit coupper la teſte, puis tailler le reſte du corps en pluſieurs pieces qui furent iettées dans la mer.
yant gaigné cette victoire de la façon que i’ay dict cy-deuant, panſé les bleſſez, & pourueu à la garde des captifs, l’on fiſt inuentaire de la marchandiſe qui eſtoit dans ces deux Iuncos, & il fut trouué que la priſe d’iceux pouuoit valoir quarante mille Taeis, leſquels furent incontinent mis ſous la charge d’Antonio Borges qui eſtoit Facteur des priſes. Les deux Iuncos eſtoiẽt bons & grands, & encore qu’ils fuſſent tels, nous fuſmes contraints d’en bruſler vn à faute de gens de Chiourme & de Marine pour le gouuerner : l’on trouua dans iceux dix-ſept
