Page:Les voyages advantureux de Fernand Mendez Pinto.djvu/224

206

Voyages Aduentureux

ſorte que ie confeſſe n’auoir la hardieſſe de déduire en particulier ce qui s’y paſſa, encore que i’y aye eſté preſent, car lors qu’il ſe commença il n’eſtoit pas encore bien iour. Or ce qui rendit effroyable la meſlée entre nous & nos ennemis, fut le bruit des tembours, des baſſins, & des cloches, accompagnez de quantité de balles d’artillerie, dont retentiſſoient les vallées & les eſcueils d’alentour, tellement que les corps eſpouuantez en fremiſſoient d’apprehenſion. Ce combat dura de cette façon l’eſpace d’vn quart d’heure, puis les Lorches & Lanteaas le vindrent de terre le ſecourir auec quantité de gens frais. Ce que voyant vn nommé Diégo Meyrelez, qui eſtoit dans le Iunco de Quiay Panjan, & que ſon canonnier n’employoit pas vn des coups qu’il tiroit, bien à propos, à cauſe qu’il eſtoit tellement eſpouuanté & hors de ſoy, qu’il ne ſçauoit ce qu’il faiſoit, comme il eſtoit preſt de mettre le feu à vne petite piece ; ainſi confus il le pouſſa ſi rudement que du haut en bas il le ietta dans l’eſcotille, luy diſant, Oſte-toy de là vilain, tu ne ſçaurois rien faire, ce coup-là appartient à des hommes comme moy, & non comme toy, puis ayant pointé le canon auec ſes coins de mire, dont il ſçauoit aſſez bien l’vſage, il mit le feu à la piece, qui eſtoit chargé de bales, & ſacquets de pierres, & ayant atteint la premiere Lorche qui marchoit deuant, il luy emporta tout le fond-bord depuis la pouppe iuſqu’à la prouë du coſté d’oſtribord ; de ſorte qu’en meſme temps elle demeura à fleur d’eau, & coula à fond par ce moyen, ſans que d’icelle il ſe pût ſauuer aucune perſonne. Alors la munition du ſacquet de pierre paſſa par deſſus la premiere Lorche, donna ſur le tillac d’vne autre Lorche qui venoit vn peu derriere, & tua le Capitaine d’icelle auec ſix ou ſept qui eſtoient proches de luy ; dequoy les deux autres Lorches demeurerent ſi eſpouuantées, que voulant prendre le bord vers terre en intention de fuïr, elles demeurerent toutes deux embarraſſées dans les cordages d’icelles ; de maniere que pas vne d’elles ne se puſt deſpeſtrer, & ainſi toutes deux priſes l’vne à l’autre demeurerent attachées, ſans pouuoir ny aduancer ny reculer. Alors les Capitaines de nos deux Lorches appellez Gaſpard d’Oliuey-