Page:Les voyages advantureux de Fernand Mendez Pinto.djvu/521

503

de Fernand Mendez Pinto.

& nous tous de meſme à cause de luy. Alors Zeimoto iugeant bien qu’il ne pouuoit mieux s’acquitter d’vne partie des honneurs que le Nautaquin luy faiſoit, qu’en luy donnant ſa harquebuze, qu’il accepteroit ſans doute comme vn preſent tres agreable, vn iour qu’il eſtoit venu de la chaſſe, il là luy offrit auec quãtité de colombes & de tourterelles ce qu’il receut tres-volontiers, comme vne choſe de grand prix, & l’aſſeura qu’il eſtimoit plus cela que tous les threſors de la Chine, auſſi pour recompenſe il luy fit donner mille Taels en argent, & le priattes-inſtamment de luy apprendre à faire la poudre, diſant que ſans cela la harquebuze ne luy ſeruiroit de rien, comme n’eſtant qu’vne piece de fer inutile ; dequoy Zeimoto luy donna ſa parole, & en effet il l’executa depuis. Comme le Nautaquin mettoit tout ſon paſſe-temps à tirer de cette harquebuze, ſes ſubjets voyans qu’ils ne le pouuoient mieux contenter en aucune choſe qu’en ce à quoy il teſmoignoit de prendre vn ſi grand plaiſir, prirent le modelle de celle-cy pour en faire plusieurs autres, dequoy l’effet s’enſuiuit tout auſſi-toſt ; de maniere que dans l’ardeur de ce deſir cette curioſité priſt pied ſi auant, qu’à noſtre partement (qui fut cinq mois & demy apres) il ſe trouua qu’il y en auoit plus de ſix cens dans le pays. Ie diray bien dauantage, c’eſt que depuis, à ſçauoir la derniere fois que le Vice-Roy Dom Alphonſe de Norõha m’enuoya là auec vn preſent pour le Roy de Bungo, ce qui arriua en l’année 1556. ceux du Iappon m’affirmerent qu’en cette ville de Fucheo (qui eſt la capitale de ce Royaume) il y en auoit plus de trente mille ; dequoy me trouuant bien eſtonné, pour me ſembler impoſſible que cette inuention ſe fuſt multipliée de telle ſorte ; i’appris de quelques marchands, hommes d’honneur & de qualité, qui me l’affirmerent ainſi auec beaucoup de paroles, qu’en toute l’Iſle du Iappon il y auoit plus de trois cens mille harquebuzes, & qu’eux ſeulement en auoient tranſporté en marchandiſe au pays des Lequiens, à ſix diuerſes fois qu’ils y auoient eſté, iuſques au nombre de vingt-cinq mille ; de maniere que par le moyen de celle-cy ſeulement, que Zeimoto donna au Nautaquin, en intention de luy rendre le reciproque de ſon amitié, & s’ac-