Page:Les voyages advantureux de Fernand Mendez Pinto.djvu/529

511

de Fernand Mendez Pinto.

choſes qu’on me demandoit eſtoiẽt de fort petite conſequence, c’eſt pourquoy ie ne m’arreſteray point icy à les rapporter, attendu que ce ne ſeroit proprement que broüiller le papier. Quelquefois auſſi ie m’amuſois à voir leurs ſolemnitez, les maiſons où ils faiſoient leurs prieres, leurs exercices de guerre, leurs flottes nauales, enſemble leurs peſches & leur chaſſes auſquelles ils ſe plaiſent grandement, ſurtout à la haute vollerie des faucons & des vautours, où ils ſe gouuernent à noſtre mode. Souuent ie paſſois mon temps auec ma harquebuze à tuer des tourterelles & des cailles dont il y en auoit abondance dans le païs. Cependant cette nouuelle façon de tirer ne ſembloit pas moins merueilleuſe & nouuelle aux habitans de cette contrée qu’à ceux de Tanixumaa, de maniere que voyant vne choſe qu’ils n’auoient point encore veuë, ils en faiſoient tant d’eſtat qu’il me ſeroit impoſſible de vous le dire, ce qui fit que le ſecond fils du Roy nommé Arichaudono, aagé de 16. à 17. ans, que le Roy aimoit beaucoup, me pria vn iour de luy apprendre à tirer, dequoy ie m’excuſois touſiours, diſant qu’il falloit pour cela beaucoup plus de temps qu’il ne penſoit : mais luy ne ſe payant point de ces raiſons ſe plaignit de moy au Roy ſon pere, qui pour luy complaire me pria de bailler au Prince vne couple de charges, afin de luy faire paſſer cette fantaiſie. À quoy ie luy fis reſponſe, que ie luy en donnerois autant qu’il plairoit à ſon Alteſſe. Or pource que ce iour là il mangea auec ſon pere, la partie fut remiſe à l’apreſdinée ; en quoy neantmoins il n’y eut aucun effet, pource qu’alors il accompagna la Royne ſa mere à vn village prochain où l’on accouroit en pelerinage de toutes parts, à cauſe d’vne certaine feſte qu’on y faiſoit pour la ſanté du Roy. Le iour d’après ce ieune Prince s’en vint au logis ou i’eſtois, ſans auoir que deux ieunes Gentils-hommes qui le ſuiuoient. M’ayant trouué endormy ſur de la natte, & ma harquebuze penduë à vn crochet, il ne voulut m’eſueiller qu’il n’euſt tiré vne couple de charges, ſe propoſant, comme il me diſt depuis, qu’en ces coups qu’il tireroit à part ne ſeroient point compris ceux que ie luy auois promis. Ayant donc commandé à vn des ieunes Gentils-hommes qui le ſuiuoient qu’il s’en