Départ de Venise. (Villeh., xlv.)
près, vint liduxàaus, si leurdist « : Seigneur, il est ore yvers, ne nous ne porriemes passer mie outre mer, ne che n’est mie remés en mi ; car je vous eusse piecha fait passer, s’il ne fust remés en vous ; mais faisons le bien, (fist li dux) : il a une chité près de chi, Jadres a à nom ; chil de le vile nous ont moult mefFait, et jou et mi homme nous volons vengier d’aus, se nous poons ; et, se vous me voles croire, nous y irons chest yver sejorner dusques vers le Pasques ; et adont si atierrons no navie, si nous en irons outre mer à l’aive Dame Dieu ; et le vile de Jadres est moult boine et moult plentive de tous biens. » Li baron et li haut homme croisié s’asentirent à chou que li dux avoit dit ; mes tout chil de Fost ne seurent mie chest consel, fors li plus haut homme 69. Adont si atirerent tout communaument leur oirre, et leur navie tout entirement, si se misent en le mer 70 ; et cascuns des haus hommes avoit se nef à lui et à se gent, et sen vissier à ses chevax mener ; et li dux de Venice avoit avec lui i. galies tout à sen coust. Le galie où ens il estoit, ert toute vermeille, et si avoit un paveillon tendu par deseure lui d’un vermeil samit ; si avoit iiij. buisines d’argent devant lui qui buisinoient, et tymbres qui grant goie demenoient, et tout li haut homme, et clerc et lai, et petit et grant, démenèrent si
f. 103 v°, c. 2.
grant goie à l’esmouvoir, que onques encore si faite goie, ne si fais estoires, ne fu veus, ne oïs. Et si fisent li pèlerin monter as castiaus des nés tous les prestres et les clercs qui canterent : « Veni, Creator Spiritus », et trestout, et grant et petit, plorerent de pes et de le grant goie qu’i eurent, et quant li estoires parti du port de Venice 71, et . . . . . . . . . . 72 dromons, et ches rikes nés, et tant d’autres vaissiaus, que ch’estoit le plus bêle cose à eswarder qui fust très le commenchement du monde ; car il y avoit bien c. paire de buisines, que d’argent, que d’arain, qui toutes sonnèrent à l’esmouvoir, et tant de tymbres et tabours et autres estrumens, que ch’estoit uns fine merveille. Quant il furent en chele mer, et il eurent tendu leur voiles et leur banieres
mises haut as castiaus des nés et leurs enseingnes, si sanla bien que le mersformiast toute, et qu’ele fust toute embrasée des nés
