1202-1203
fort et mesires Enguerrans de Bove. Chil disent qu’il n’iroient mie contre le commandement Fapostoile, ne qu’il ne voloient mie estre eskemenié ; si s’atornerent, si alerent en Honguerie séjourner tôt river 75. Quant lidux vit que li baron liaideroient, si fist drechier ses engiens à assalir à le vile ; tant que chil de le vile virrent qu’il ne pooient avoir durée, si vinrent à merchi, si leur rendirent le vile. Adont si y entrèrent li pèlerin et li Venicien ; si parti on le vile en ij. moitiés, si que li pèlerin en eurent l’une moitié, et li Venicien l’autre 76.
Hivernage des Croisés à Zara. (Villeh., i, liv, lv.)
près, si avint que une grans meslée leva entre les Veniciens et le menue gent des pelerins, qui dura bien une nuit et demi jour, et fu si grans chele meslée que à paines les peurent li chevalier desmesler. Quant il les eurent desmeslés, si y misent si bêle pais que onques puis ne furent par mal ensanle 77. Après, li haut homme croisié et li Venicien parlèrent ensanle de l'eskemeniement dont il furent eskemenié, de le vile qu’il avoient prise, tant qu’il se conseillierent entr’aus qu’il envoieroient à Rome pour estre assous ; tant qu’il y envoieroient 78 le vesque de Sessons et monseigneur Robert de Bove pourcachier 79 letres de l’apostoile que tout li pèlerin et tout li Venicien fussent assous. Quant il eurent leur letres, si s’en revint li vesques au plus tost qu’il peut 80 ; et mesires Robers de Bove ne revint mie avec lui, ains s’en ala outre mer droit de Rome 81. Entrementiers que li croisié et li Venicien
f. 104 v°, c. i.
sejornerent illueques l’iver, si se pourpenserent qu’il avoient moult despendu, et parlèrent ensanle, et disent qu’il ne pooient mie aler en Babyloine, ne en Alixandre, ne en Surie ; car il n’avoient mi viandes ne avoir dont il y peussent aler, car il avoient jà près de tout despendu, que ens u sejorner qu’il avoient fait, que ens u grant loier qu’il avoient donné au na vie ; et disent qu’il n’i pooient mie aler, et, s’il y aloient, n’i feroient il nient, qu’il n’avoient ne viande ne avoir dont il se peussent soustenir. Li dux de Venice vit bien que li pèlerin n’estoient mie à aise, si parla à aus, et si leur dist : « Seigneur, en Grèce a mouh rike tere, et moult plentive de tous biens; se nous poiemes avoir
