"85. « destruire et pour vous tuer. » Li vasles fu moult esmaris, quant il oï ches nouveles, et tant qu’il vint avant qu’il ne se peut estordre à nul fuer qu’il n’alast hors à chu bailliv. Si ne fait il mais el, si prent il s’espée, si le met il sous son surcot, si s’en ist il hors de le maison, si vient il devant le bailliv, si li dist : K Sire, que plaist vous ? » Et chis li respondi moult fenelessement, se li dist : « Ribaus puans, on vous pendera jà ». Tant que Kyrsaacs vit qu’i li convenoit aler avec aus maugré sien, et moult volentiers s’en venjast d’aucuns d’aus, se se trait il plus près qu’il peut de chu bailliv, si traist il s’espée, si fiert il chu bailliv parmi le teste, si qu’il le pourfendi trestout dusques es dens. Rcvoiution à comtan— [^^^^^^ uant 11 scrjant et le gent qui estoient avec le bailliv f. 106 v tinople ; avènement âs^^^SaT^B • i— i • ■ r i < i —ii— cthaac II l’Ange. L^S J ^i^rent quc 11 vasles a voit si pourrendu le bailliv, si
s’enfuirent ; quant li vasles vit qu’il s’enfuioient, Jsi prent il le cheval le bailliv qu’il avoit ochis, si monte il sus, et tint s’espée qui toute ert sanente, si ne fait il mais el, si se met à le voie à aler vers le moustier Sainte Souphie ; si comme il s’en aloit, si crioit merchi as gens qui estoient aval les rues, qui tout estoient esmari de le noise qu’il avoient oie ; si leur disoitli vasles : « Seigneur, pour Dieu « merchi, ne me tues mie, car je ai ochis le diable, et le morte drisseur qui toutes les hontes a faites à chiaus de cheste t( vile et as autres ». Quant il vint au moustier Sainte Souphie, si monta seur l’autel, et si enbracha le crois, pour che qu’il voloit sauver se vie. Après, li cris et le noise fu moult grans en le vile ; tant ala amont et aval li cris, que on le seut par toute le vile comment Kyrsaac eut chu maufé et chu mordrisseur ochis. Quant chil de le vile le seurent, si en furent moult lié, si keurent il qui miex miex au moustier Sainte Souphie pour veir chu vaslet qui chu hardement avoit fait. Si comme il furent là tout asanlé, si commenchierent à dire l’uns à l’autre : a Chis est vaillans et hardis, quant si grant hardement entrées prist à faire ». Tant que li Grieu disent entr’aus : « Faisons le « bien, faisons de chest vaslet empereur « . Tant qu’il s’i acorde-
