Page:Li estoires de chiaus qui conquisent Constantinople - Robert de Clari.djvu/23

23

LI ESTOIRES DE COUSTANTINOBLE.

Androine seïr deriere les touniauS ;, à tous sesdras emperiaus uss. si le reconnut moult bien, si s’en revint ele ariere à sen baron, se li dist ele : « Sire, Androines li empereres est muchiés chaiens ». Quant li taverniers Yoï, si envoia i. message pour i. haut homme qui manoit près d’iluec en i. grant palais, cui père à chelui Androines avoit destruit, et si avoit jut à forche à le femme chu haut homme’°*’. Quant li messages vint là, si dist à f. 107 V, c. I. chu haut homme que Androines estoit à le maison chu tavernier, si le nomma ; quant li haut hons oï que Androines estoit à le maison chu tavernier, si en fu moult liés ; ^i prent il de se gent avec lui, si va à le maison au tavernier, si prent il Androines, si Fenmaine il en sen palais. Quant che vint lendemain par matin, si prist li haut hons Androine, si Tenmaine il u palais devant l’empereur Kyrsaac. Quant Kyrsaacs le vit, si li demanda : « Androines, pourcoi as tu si faitement tray ton (( seigneur l’empereur Manuel, et pourcoi mordrisis tu se « femme et sen fil, et pourcoi as tu si volentiers fait mal à (( chiax que il en pesoit que tu estoies empereres^ et pourcoi « me voloies tu faire pendre ? » Et Androines li respondi : « Taissies vous, fist il, que je ne vous en dengneroie res « pondre. » Quant li empereres Kyrsaacs oï qu’il ne l’en dengneroit respondre, si fist mander moult de chiaus de le vile qu’il venissent devant lui ; quant il furent devant li venu, si leur dist li empereres : « Seigneur, veschi Androines, qui tant c( a fait de maus et à vous et as autres ; je ne porroie mie, che « mè sanle, faire justiche de lui à le volenté de vous tous, « mais je le vous baille à faire ent chou que vous vaurres. » Adont si en furent chil de le vile moult lié, si le prisent, tant que li un disent que on Farsit, li autre que on le boulist en une caudiere, pour plus vivre longement et pener, li autre que on le trainast ; tant qu’il ne se peurent acorder entr’aus de quel mort, ne quel tormente il le peussent destruire, tant qu’il y eut un sage hons qui dist : « Seigneur, se vous me « volies croire, je vous enseingneroie comment nous nous por « riemes trop bien vengier de lui : je ai un camoel en maison « qui est le plus orde beste, et le plus foireuse, et le plus laide