12o3.
message vinrent à le court Tempereur d’Alemaingne, là où li vasles estoit, se li disent le message que on leur avoit carquié à dire. Quant li vasles oï chou, et entendi le mandement que li haut homme croisié li avoient mandé, si en fu moult liés, et moult en fist grant feste, et moult fist biau sanlant as messages. Si dist qu’il s’en conseilleroit à l’empereur sen serouge. Quant li empereres l’entendi, si respondi au vaslet que bêle caanche li estoit avenue ; si li loa bien qu’il y alast, et se li dist qu’il n’aroit jamais point de sen hyretage, sen par l’aive de Dieu et des croisiés ne l’avoit.
Alexis l’Ange rejoint
les Croisés à Cor/ou.
(Villeh., LVi-Lvii.)
i vasles entendi bien que li empereres li donnoit boin consel, si s’atorna au plus bêlement qu’il peust, si s’en vint avec les messages, et, devant che que li vasles ne li message fussent venu à Jadres, si sen fu li estores aies en l’isle de Corfaut, pour chou que le Paske estoit jà passée "-^ mais quant li estores mut à aler i, si fist on laiier ij. galies pour atendre les messages et le vaslet, et sejornerent li pèlerin en l’isle de Corfaut, tant que li vasles et li message vinrent. Quant li vasles et li message vinrent à Jadres, si trouvèrent ces ij. galies que on leur avoit laiiés, si se mirent en mer, si s’en alerent tant qu’il vinrent à Corfaut, là où li estores estoit. Quant li homme virrent que li vasles venoit, si alerent tout encontre lui, si le saluèrent et se li fisent moult grant feste. Quant li vasles vit que li haut homme l’ouneroient si, et tous li estores qui lueques estoit, si fu si liés que nus hons si ne fu-, adont si vint li marchis avant, si prist le vaslet, si l’enmena avec lui en se tente. Quant li vasles fu là, adont si s’asanlerent tout li haut baron et li dux de Venice à le tente le marchis, et parlèrent d’unes coses et d’autres, et tant que [il] li demandèrent que il feroit pour aus, s’il le faisoient empereur, et s’il li faisoient coroune porter en Coustantinoble, et il leur respondi qu’il feroit quanque il vaurroient. Tant parlèrent que il dist qu’il donroit à Tost ce. mile mars, et qu’il tenroit le navie i. an à sen coust, et qu’il iroit outre mer avec aus à tout sen pooir, et qu’il tenroit tous les f.io8v°, c.I.
