1199
moult de gens le sîvoient pour chou quil estoit si preudons que Dame Diex faisoit moult grans miracles pour lui, et moult conquist chis prestres d’avoir, à porter en le sainte tere d’outre-mer.
Dénombrement des Croisés (Villeh., iii-vii.)
dont si fu croisiés li cuens Thiebaus de Champaingne, et Bauduins, li cuens de Flandres, et Henris ses frères, et Loeis, li cuens de Blois, et Hues, li cuens de Saint Pol, et Symons, li cuens de Monfort, et Guis 4 ses frères. Après, si nommerons les vesques qui y furent : il y fu li vesques Nevelons de Sessons 5 qui moult y fu preudons et vaiUans en tous commans y en tous besoins, et li vesques Warniers de Troies 6, et li vesques de Hanetaist 7 en
f. 100 5°, c. 2.
Alemaingne, et maistres Jehans de Noion 8 qui estoit eslis à estre evesques d’Acre. Et si y fu li abbes de Los 9 en Flandres, qui estoit de maisons de Tordre de Chistiax-, ichis abbes estoit moult sages bons et moult preudons ; et autres abbes et autres clers asses, que nous ne vous savons mie tous nommer. Et des barons qui y furent, nous ne les savons mie tous nommer ; mais une partie vous en savons nous nommer : il y fu d’Aminois, mesires Pierres d’Amiens 10, li biax chevaliers et li preus et li vaillans, et mesires Enguerrans de Bove 11, lui quart de frères : li uns en eust à nom Robers, li autres Hues, et uns clers leurs frères ; Bauduins de Biauveoir 12 Mahiex de Wauslaincort 13, li avoes de Betune 14 et Quenes ses frères, Wistasses de Canteleu 15 Ansiax de Caieu 16, Reniers de Trit 17, Wales de Friuses 18, Girars de Manchicort 19 et Nicholes de Malli 20, Bauduins Cavarom 21, Hues de Biauvais 22 et moult d’autres chevaliers haus hommes qui Flament estoient et d’autres païs, que nous ne vous savons mie tous nommer. Et si y fu mesires Jakes d’Avesnes 23 ; et si y fu de Bourgoune, Œdes de Chanlite 24 et Willames ses frères qui moult eurent de gent en Fost, et si en y eut d’autres asses de Bourgoune que nous ne vous savons mie tous nommer. Et de Champaingne y fu li mareschiax 25 et Ogiers de Saint Cherun 26, et Macaires de Sainte Manehout 27,
f. 101, 2e, c. 1.
et Clarembaus de Chapes 28, et Miles de Braibant 29 : ichist estoient de Champaingne. Après, si y fu li castelains de Cou-
