1200
chi 30, Robers de Rouschoi 31, Mahiex de Monmorenchi 32 qui moult y fut preudons, Raous d’Aunoi 33 et Wautiers ses fix, et Gilles d’Aunoi, Pierres de Braichel 34, li preus chevalier et li hardis et li vaillans, et Hues ses frères : et chist que je vous nomme, ichi estoient de Franche. Et de Biauvesis, et de Chartain y fu Gervaise du Castel 35 et Hervius ses fix, et Oliviers de Rochefort 36 et Pierre d’Alos 37 et Paiens d’Orliens 38 Pierres d’Amiens, boins chevaliers et preus, et qui moult y fist de proesches, et Thumas, uns clers, ses frères, qui canoines estoit d’Amiens 39, Manessiers de Lille 40 en Flandres, Mahiex de Monmorenchi, li castelains de Corbie 41. Or y eut il tant d’autres chevaliers de Franche et de Flandres et de Champaingne et de Bourgoune et d’autres pais que nous ne vous savons mie tous nommer, de vaillans chevaliers et de preus ; et chiaus que nous avons chi nommés, li plus rike homme estoient, et si portoient baniere ; et si n’avons nous mie tous chiaus nommés qui portoient banieres. Et de chiaus qui plus y fisent de proesches et d’armes, de rikes et de povres, vous savons nous nommer une partie : Pierre de Braiechel che fu chis, de povres et de rikes, qui plus y fist de proesches, et Hues ses frères, et Andriex de Dureboise 42 et mesires Pierres d’Amiens li preus et
f. 101 1°, c. 2.
li biaus, et Mahiex de Montmorenchi, et Mahiex de Wauslaincourt, et Bauduins de Biauveoir 43, et Henris, li frères le conte de Flandres, et Jakes d’Avesnes, che furent chil des rikes hommes qui plus y fisent d’armes. Et des povres, Bernars d’Arie 44 et Bernars de Soubrengien 45 Wistasses de Heemont 46 et ses frères, Gillebers de Vime 47, Wales de Friuses, Hues de Biauvais, Robers de Rouschoi, Alars Makereaus 48, Nicholes de Malli, Guis de Manchicort 49, Bauduins de Hamelaincourt 50, Willames d’Embreviie 51, Aleaumes de Clari 52 en Aminois, li clercs, qui moult y fu preus et moult y fist de hardement et de proesches, Aleaumes de Sains 53, Willerames de Fontaines 54. Et chiaus que nous avons ichi nommés, che furent chil qui plus y fisent d’armes et de proesches, et moult d’autres boine gent à cheval et à pié, tant de milliers que nous n’en savons le nombre 55.
