en retinrent, et moult y waaingnierent, et cachierent l’empereur Morchofles largement demie liuve qu’il le cuidoient tous vis prendre, et si le hasterent et lui et chiaus de se compaingnie, que il laierent caïr TAnsconne, et sen capel emperial, et l’enseingne, et FAnsconne qui toute estoit d’or et toute carkie de rikes pierres précieuses, et estoit si bêle et si rike, que onques si bêle ne si rike ne fu veue. Quant li Franchois le i. nyv" virrent, si laiserent leur cache, si furent moult lié durement, si prisent l’image, si l’en aporterent à moult grant goie et moult grant feste. Et entrementiers qu’il se combatoient, vinrent nouveles à l’ost qu’il estoient encontre des Grieus, et quant chil de l’ost oïrent les nouveles, si s’armèrent et poinsent encontre seigneur Henri, pour lui secorre, et quant il vinrent là, si s’en estoient jà li Grieu fui, et nos Franchois en amenoient leur w^aaing, et l’Ansconne en aportoient qui si estoit bêle et rike comme je vous ai dit ; et quant il vinrent près de l’ost, si alerent li vesque et li clerc, qui en l’ost estoient, à pourcession encontre aus, et rechurent l’Ansconne à grant goie et à grant feste, et le bailla on au vesque de Troies ; si l’emporta li vesques en l’ost, à une église où il repairoient, et canterent li vesque, et fisent ent moult grant feste, et, très chu jour qu’ele fu conquise, otrierent tout li baron que ele seroit donnée à Chistiax’% et puis y fu ele portée. Et quant Morchofles vint ariere en Coustantinoble, si fist acroire qu’il avoit desbareté et desconfit seigneur Henri et se gent, et demandoient aucun des Grieus tout bêlement:« Où est l’Ansconne et l’enseingne ? » ; et li autre disoient que on avoit tout mis en sauf ; tant alerent ches nouveles amont et aval, que li Franchois seurent k’ensi faitement avoit fait Morchofles acroire qu’il avoit les Franchois desconfis; et li Franchois ne fisent mais el, si font il armer une galie et fisent prendre l’Ansconne, et lever bien haut en le gaUe, et l’enseingne de l’empire, et fisent nagier chele galie à tout l’Ansconne et à tout l’enseingne, de kief. en kief les murs, si que chil qui à murs estoient, et moult de gens de le chité, le virrent et le connurent bien que ch’estoit l’enseingne et l’Ansconne l’empereur.. Quant U Grieu virrent
