1204
pieur que Juis, et disent li vesque qu’il assoloient de par r. ns Dieu et de par Fapostoile tous chiaus qui les assàurroient-, et kemanderent li vesque as pèlerins qu’il se confessaissent et kemeniaissent tout moult bien, et qu’il ne doutaissent mie à assalir les Grieus, car il estoient enemi Dame Dieu ; et kemanda on que on quesist et que on ostast toutes les foies femmes de Tost, et que on les envoiast bien loins en sus de Fost-, et on si fist que on les mist toutes en une nef, et les envoia on bien loins de Fost.
Deuxième assaut.
i3 avril
près, quant li vesque eurent preechié et monstre as pèlerins que le bataille estoit droituriere, si se confessèrent moult bien tout, et furent kemenié. Quant che vint le deluns par matin, si s’atornerent moult bien tout li pèlerin, et s’armèrent, et li Venicien, et relisent les pons de leur nés, et leur vissiers, et leur galies ; si les arengierent coste à coste et se misent à le voie pour assalir aler ; et avoit li navies bien une grandesme liuve de front ; et quant il furent arivé, et il se furent trait au plus près qu’il peurent des murs, si geterent ancres. Et quant il furent à ancre, si commenchierent durement à assalir, et à traire, etàlanchier et àgeter fu Griois’^9 as tours, mais ne s’i pooit prendre li fus, pour les cuirs dont eles erent couvertes —, et dedens se deffendoient
moult durement et faisoient bien geter Ix. perrieres, et getoient à cascun caup sur les nés ; mais les nés estoient si bien couvertes de marien, et de sarment de vingne,. k’er ne leur faisoient mie grant mal, et estoient les pierres si grans que uns bons n’en peust mie une lever de le tere ; et Morchofles li empereres estoit en son monchiel, si faisoit ses buisines d’argent sonner, et ses tymbres, et faisoit moult grant beubant, et renheudissoit se gent, et disoit : « Aies là, aies chà, » et les renvoie là où il veoit que li grain des besoins estoit*, et n’avoit mie en tout le navie plus haut de iiij. nés ou de v. qu’il peussent avenir as tours, si erent eles hautes, et tout li estage des tours de fust qui erent faites sur les tours de pierre dont il i avoit bien v., ou vj, ou vij, et estoient toutes warnies de serjans qui les tours deffendoient. f. 119r », c.I.
