1204
t tant i assalirent que le nef le vesque de Sessons s’ahurta à une de ches tours par miracle de Dieu, Prise de deux luun
si comme le mers qui onques n’est coie, le porta ; et sur le pont de chele nef, avoit i. Venicien et ij. chevaliers armés. Si comme le nef se fu ahurtée à chele tour, si se prent li Veniciens à pies et à mains au miex qu’il peut, si fait tant qu’il fu ens. Quant il fu ens, et li serjant qui estoient en chel estage, Engles, Danois’9° et Grieus, que il i avoit, si w^ardent, si le voient, se li keurent il sus à haches et as espées, si le decauperent tout ; si comme le mers reporta avant le nef, si se rahurta à chele tour ; si comme ele si fu rahurtée, si ne fait mais el li uns des ij chevaliers (Andriex de Dureboise avoit à nom), si se prent il à pies et as mains à chele breteske, et fait tant qu’il se mist ens à genouillons. Quant il fu laiens à genouillons et chil li keurent il sus à haches, as espées, si le ferirent durement ; mais qu’il estoit armés, le grâce Dieu, si ne le navrèrent mie, si comme iiyr, c. 2.
Diex lewardoit, qui ne voloit mie consentir qu’il duraissent plus, ne que chil i morust mie, ains voloit pour le traïson d’aus, et pour le murdre que Morchofles avoit fait, et pour le desloiauté d’aus, que le chités fust prise, et que il fussent tout houni, [et] que li chevaliers fut en pies ; et quant il fu en pies, si traist s’espée ; quant chil le virrent en pies, si furent si esbahi, et si eurent grant peur qu’il s’enfuirent en l’autre estage desous. Quant chil de l’autre estage virrent que chil de deseure aus s’en afuioient si, si rewidierent chelui estage, ne onques n’i osèrent demorer, et li autres chevaliers i entra après, et si i entra asses gens après ; et quant il furent ens, si prenent boines cordes, si loient moult bien chele nef à le tour, et quant il l’eurent loié, si i entrèrent asses gens ; et quant le mers reportoit le nef ariere, si branloit chele tours si durement que il sanloit bien que le nés le deust traire jus ; si que par forche et par peur, leur convint le nef desloier, et quant chil des autres estages par desous virrent que le tours emploit si des Franchois, si eurent si grant peur que onques nus n’i osa demorer, ains widierent toute le tour. Et Morchofles veoit bien tout chou, si
