LE DIT DOU VERGIER 15
[1]
Qui estoient vert et flouri,[2]
Qu’en un praielet m’embati.
S’ot en mi lieu un arbrissel[3]
De fleurs et de fueilles si bel,
Si bel, si gent, si aggreabie,[4]
Si très plaisant, si delitable[5]
Et plein de si très bonne odour
Que nuls n’en aroit la savour.
Tant fust ses cuers desconfortez,
Qu’il ne fust tous reconfortez ;[6]
Et tant estoit de joie pleins
Li lieus dont il estoit enseins[7]
Et a vëoir si gracieus,
Si nobles et si amoureus,
Car, quant je l’os par bon loisir
Resgardé tout a mon désir,
Je ne say que ce pooit estre
Fors que le paradis terrestre.
Et comment que li lieus fust gens,
Assis en sus de toutes gens,[8]
Delitables et pleins de joie,
Certes, nul solas n’i avoie ;[9]
Car a ma gracieuse dame,
Qui a mon cuer, mon corps et m’ame,
Me fist Amours adès penser
Loyaument, sans vilein penser.
Et ce fu drois, qu’onques Nature
En créer nulle créature[10]
Ne mist si trestoute s’entente,
Comme a sa douce façon gente.[11]