372 Se tu vues oïr le seurplus.
Et si te diray de mon nom,
Se tu le vues savoir ou non,[1]
Je ne te le quier ja celer :[2]
376 Dieus d’Amours me fais appeller. »
Quant je vi que c’estoit mes sires,
Qui des maus amoureus est mires,
Onques de lui ne m’esloingnay,
380 Mais devant lui m’ageloingnay,[3]
Et li requis en souspirant,
A mains jointes et en plourant,
Qu’il me vosist reconforter[4]
384 Dou mal que j’avoie a porter,[5]
Et que donner meilleur espoir,
Me vosist, ou de desespoir[6]
Estoie près ou de morir,
388 Et qu’il me feïst remerir,
Se j’avoie riens desservi,
Ad ce que j’avoie servi
Ma douce dame simple et coie.
392 Mais einsi comme a lui parloie,
Moult doucement me respondi
Li dieus, que plus n’i attendi,
Que de ce me responderoit,[7]
396 Quant li lieus et li temps seroit.
Lors ne me volt plus escouter,
Pour ce qu’il me voloit compter
De tous les autres l’ordenance
400 Et de lui la signefiance.
Après me dist : « Scez tu pour quoy
