Et Loiauté, pou y a aconté,[1]
Car moult pleinne fu de sa volenté,[2]
1856 Et dist en haut :[3]
« Certes, Raison, vostre science faut,
Et Loiauté, sachiez, riens ne vous vaut.[4][5]
Car cils amis, pour mal, ne pour assaut[6][7]
1860 Qu’Amours li face,
N’iert ja partis de la belle topasse[8]
Qui de biauté et de douceur tout passe,[9]
Et de fine colour ; ja Dieu ne place[10]
1864 Qu’il li aveingne
Que ja d’amer la belle se refreingne ![11]
Car s’a présent ne le vuet, ne n’adaingne,[12]
Au moins l’aimme il, et son cuer la compaingnc.
1868 Dont n’est ce assez ?
Doit il estre de li amer lassez ?
Certes, nennil ! Car on n’est pas amez,
Ne conjoîs toudis, n’amis clamez :[13]
1872 Non est, sans doute.[14]
Raison, fols est amans qui vous escoute,[15]
Ne qui ensuit vos dis, ne vostre route.
Et qui le fait, je di qu’il ne voit goûte.[16]
1876 Et par ma foy,
Nous ferons tant, Amours, ma dame et moy.[17]
Que son cuer yert si pris, et en tel ploy.[18]
- ↑ M y a po
- ↑ E Car pleine fu moult de sa v. ; P Car moult fu plaine et de sa v.
- ↑ CP Si
- ↑ 1858 et 1859 intervertis dans KJ
- ↑ DEKJ certes riens ; vous manque dans C
- ↑ C cest ami
- ↑ 1861-84 ne se trouvent que dans EKJR
- ↑ E compassé
- ↑ manque dans R
- ↑ E ne dieu
- ↑ R sestreingne
- ↑ KJ Car son penser ; R ne lui vault ; KJ ne daingne ; n manque dans R
- ↑ KJ Ne conjoinz ; R Ne comme roy ; R mauez cl.
- ↑ KJ N. et s. ; K s. doubtance
- ↑ R Raison raison fols est ; amans manque dans ER
- ↑ a : vous dis
- ↑ tant manque dans R
- ↑ R cuer y est ; R a tel pi.
