Qu’einc puis ne s’en pot soustenir,[1]
1888Ne des mains nulle riens tenir ;
Et n’ot einc puis tant de victoire[2]
Qu’elle peüst mengier ne boire.
Fusicien furent mandé,[3]
1892Et la leur fu il demandé
S’elle averoit de la mort garde.
Et que chascuns y prenist garde,
S’on li porroit donner santé,
1896Et qu’il demandassent planté
Hardiement de leur avoir,
Tant comme il en vorront avoir.[4]
Et il en peinne s’en meïrent[5]
1900Et moult volentiers le feïrent[6]
Pour trouver son aligement,
S’il peüssent, diligenment.
Premiers, s’orine resgarderent,[7]
1904Et puis après si la tasterent ;
Li uns après l’autre tastoient
Partout ou taster la devoient,
Les piez, le pous, et puis les temples ;[8]
1908Et puis si moustroient exemples[9]
Des cures qu’il avoient faites
En pluseurs lieus et bien parfaites.
Et que plus d’exemples moustroient,
1912De tant plus esbahi estoient.
L’orine la jugoit haitie,[10]
Et li tasters ne jugoit mie
Cause froide, ne de chalour,
1916En quoy il prenissent coulour[11]
