Et il estoit ses[1] vrais amis,
Et puis se fu[2][3] a la mort mis,
Dont Amours si fort l’atrapa[4]
Que la mort tantost la hapa.
Amours en fist pour li assez ;
Car cils cops[5] fu[6] tantost passez.
Aussi a morir avoit elle :
[7]Nuls contre ce point ne rebelle,
Cui la mort ne veingne haper ;
Nuls ne li porroit eschaper.
Quant uns homs est grieteusement[8][9]
Tauxez[10][11] a mort par jugement
D’un bon juge sans mesprison,
Et il le met en grief[12] prison
D’enfermeté[13] en lieus[14] divers,
Ou estre puet rungiez[15][16] de vers
Et de planté d’autre vermine[17],
Et il y est un lonc[18] termine,
Chargié col et les bras de fers[19]
Et les jambes, c’est bien enfers[20][21].
La est il de foy en destour[22],
Pour renoier son creatour ;
Volentiers le renieroit[23]
Qui de la le delivreroit[24][25].
Mais en celle heure qu’il est pris,
Jugiez a mort par juste pris,
Trop mieus li vaut qu’on l’en délivre
Par la mort, qu’en tel dolour vivre.
Einsi est il d’un vray amant
- ↑ B ces
- ↑ A si fu
- ↑ D fust
- ↑ D latrappa
- ↑ FE corps
- ↑ D fust
- ↑ D Que
- ↑ D est trop griefment
- ↑ E griefensement
- ↑ BD Traitties
- ↑ E Traittes
- ↑ F gries
- ↑ AM Denfermetez
- ↑ D lieu
- ↑ A mengiez
- ↑ D mengie
- ↑ D Et dautre plautre de vermine
- ↑ E est par l.
- ↑ BDE fer
- ↑ BE enfer
- ↑ D cests un enfer
- ↑ E au destour
- ↑ F renienroit
- ↑ FM deliueroit
- ↑ D deliuroit
