Guillaume, se vous loeroie
A laissier ceste povre voie
De dire que Nature ait grace[1]
Que propre commandement face
En amours, qui soit de valeur.
Nature donne bien couleur
A ami[2][3] d’un plaisant cuidier
Qui li fait folement cuidier
Acomplir ce qu’Amours[4] desprise.
Et par si faite fole emprise
Sont fait maint incouvenient[5][6]
Qui valent trop meins que niënt.[7][8]
Plus desclairier ne m’en convient
Pour ce que point d’onneur n’en vient.
Pais[9] sui qui volentiers feroie
Adès[10] bien, et si defferoie
Le mal ; aussi feroit Concorde ;
Car quanque je vueil, elle acorde,
Toutes heures, et soir et main.
Pour ce la tien je par la main,
Et pour faire ce qu’il[11][12] li plait.
Alez avant en vostre[13][14] plait,
Guillaume, par voie deüe,
Sans naturel descouvenue[15].
S’ensieuez[16] d’avis[17] les usages,
Par mon los, si ferez que sages. »
« Pais, damoiselle, pour vous croire
Viennent[18] tous biens, c’est chose voire.
- ↑ E est grace
- ↑ BD En amis
- ↑ E A aucuns – Après le vers 2188 D intercale les vers 2205-2208
- ↑ FMBDE quamis
- ↑ manque dans D
- ↑ E maint mal innorenment
- ↑ manque dans D
- ↑ E Quil ne vaillent auques nient
- ↑ A Pas
- ↑ D Tousiours
- ↑ MBD qui
- ↑ E que
- ↑ AF a vostre
- ↑ M A. quant a v.
- ↑ D S. nautre descongneue
- ↑ E Soustenez
- ↑ D damis
- ↑ E Vraiement