Page:Machaut - Œuvres, éd. Hœpffner, I.djvu/327

2732Ala en Crete^[1] Theseüs,
Pour lui faire estrangler au moustre,
Se sa prouesse ne li moustre,
Si qu’envers lui se puist deffendre;
2736Autrement puet la mort attendre.
Et se Dieus li donne victoire,
Il acquerra honneur et gloire ;
Car ceuls d’Athennes franchira
2740Et le servage acquitera.
Mais riens n’i vausist fer ne fust,
Se belle Adriane ne fust,
Qui oublia Minos, son pere,
2744Et Androgeüs, son chier frère,
Sa terre et ses charnels amis,
Pour Theseüs, ou elle a mis
Son cuer, si qu’elle li moustra
2748Comment occis le fier moustre a^[2],
Pour lui délivrer dou^[3] servage ;
Et li donna son pucelage
Par si^[4] qu’a femme la penroit
2752Et qu’en son pais l’en menroit^[5]
Avec Phedra^[6], sa chiere suer,
Qu’elle ne lairoit a nul fuer.
Theseüs qui se parjura
2756Ses dieus^[7] et sa loy li^[8] jura
Que jamais ne li fausseroit
Et qu’envers li loiaus seroit.
Il se menti, li renoiez.
2760Pour quoy ne fu^[9] en mer noiez ?
Quant sa besongne ot assevie,
Il les^[10] charga en sa navie.

1. D grece ; E crece
2. D C. le moustre occira
3. M de
4. F sy
5. D la merroit ; E la mauroit
6. D sedra
7. E Et ses d.
8. li manque dans E
9. ne fu manquent dans D
10. M le