Que par tout doit veincre le bien.
Et cil furent bon et loial
Tenu en toute court roial,
Comment que les dames feïssent
Moult pour leurs[1] amis et souffrissent.
Mais on dit – et c’est veritez –
Qu’adès les deus extermitez[2],
C’est trop et po.[3] Einsi l’enten[4] ge :
Ne doivent recevoir loange ;
Mais qui en l’amoureus loien[5]
Est loiez, s’il tient le moien,[6]
Il ouevre bien et sagement.
Et li sages dist qui ne ment[7]
Qu’adès li bonneüreus tiennent
Le[8] moien partout ou il viennent. »[9]
A ce Prudence respondi,
Qui[11] riens n’enclot[12] ne repondi[13]
A la matiere appartenant[14],
Et dist : « Guillaume, maintenant
Voy je bien vostre entention ;
Mais j’ay[15] contraire opinion
Qui de la vostre est trop lonteinne[16].
On scet bien que la Chastelainne
Fu morte pour un bacheler,
Pour ce qu’il ne la sot celer.
Car il dist toute leur besoingne
A la duchesse de Bourgoingne ;
Et la duchesse moult mesprist,
