Vraiement fait un let cop a.
Car Guillaume, quoy[1] que nuls die,
Je le tien a grant cornardie[2],
Si m’en pense po a debatre.
Car il y avoit trois ou quatre
Voies qui deüssent souffire,
Et il prist de toutes[3] la pire.
Et d’autre part[4], je ne croy mie
Que celle qui estoit s’amie,
S’elle l’amoit d’amour seüre,
N’eüst trop plus chier l’aventure
De son mari et son courrous,
Et deüst estre entr’ eaus deus rous
Li festus jusqu’a[5] une pièce,
Qu’oster de son ami tel piece[6],
Qu’a[7] tous jours fu[8] desfigurez,
Meins prisiez et plus empirez[9]. »
« Certes, Franchise, vous avez
Bien dit, que bien dire savez.
Mais je say sans nulle doubtance
Que c’est contre vo conscience.
Et que dit avez le contraire
De ce qui en vo cuer repaire.
Mais je vous requier, s’il[10] vous plaist,
Que nous abregons nostre plait,
Car trop esloingnons[11] la matiere
Qui meüe a[12] esté premiere[13].
Il est certain – et je l’afferme –
