Qu’en cuer de femme n’a riens ferme,
Rien seür[1], rien d’estableté,
Fors toute variableté.[2]
Et puis qu’elle est si variable
Qu’elle en rien n’est ferme n’estable
Et que de petit se varie,
Il faut que de po[3] pleure et rie.
Dont grant joie et[4] grant tourment
N’i[5] puelent[6] estre longuement,
Car sa nature li enseingne
Que tost rie et de po se pleingne ;
Tost ottroie, tost escondit[7] ;
Elle a son dit et son desdit,
Et s’oublie[8] certainement[9]
Ce que ne voit[10], legierement.
Et puis qu’elle ne puet ravoir[11]
Jamais son ami pour avoir,
Pour pleindre, ne[12] crier, ne braire,
Ne pour chose qu’elle puist faire,
Et aussi que de sa nature
Oublie toute creature
Legierement, quant ne[13] la[14] voit.
On puet[15] bien penser, s’elle avoit
De ses amis damage ou perte,
Que briefment seroit si aperte
Que d’un perdu deus retrouvez[16]
Li seroit[17] encor[18] reprouvez[19].
Mais cuers d’omme est fermes, seürs[20],
Sages, esprouvez et mëurs,
Page:Machaut - Œuvres, éd. Hœpffner, I.djvu/337
Le texte de cette page a été corrigé et est conforme au fac-similé.
