N’en seroit pas une trouvée ;
Car tel greinne est trop cler semée. »
a Mon biau sire, se Dieus me gart,
Moult avez estrange regart,
Et s’avez diverse parole ;
Et s’avez[1] esté al’escole,
Si corn je croy, d’aler en[2] change ;
Et pour ce que li cuers vous change,
Vous cuidiez que chascuns le[3] face
Si corn vous ; mais ja Dieu ne place ;
Car je prouveray le contraire
De fait, cui qu’il[4] doic desplaire. »
« Damoisellc, ne vous desplaise,
Se je vous resgarde a mon aise[5].
Car pas ne vous hé si forment
Com je vous regart laidement ;
Et se ma parole est diverse,
Bons cherretons[6] est qui[7] ne verse.
Mais je cuide vérité dire,
Comment que m’en vueilliez desdire ;
Si me sui ci[8] mal embatus,
Se pour voir dire sui batus. »
Adont se leva Souffissance
Et dist : « Guillaume, sans doubtance,
Vous estes[9] or mal empariez.
Resgardez comment vous parlez ;
Car nuls homs qui vueille voir dire
