[1] ou environ,
Li fols qui tant y trespassa
Que d’amer en mer trespassa,
Il fist trop plus et plus souffri
Que Hero qui a mort s’offri[2],
Considerés les grans peris,
Ou il fu en la fin peris,
Que ne fist Hero pour s’amour,
Non contrestant mort ne clamour.
Car cils qui fait premierement
Honneur, on dit[3] communement
Qu’il a la grace[4] dou bien fait,
Nom pas cils a qui on le fait ;
Et plus va[5] a amour tirant
Cils qui preste que cils[6] qui rant.
Einsi est il de tous services
Et aussi de tous malefices :
Car qui d’autrui grever se peinne[7].
Certes, il doit porter la peinne[8].
Si que, ma chiere damoiselle,
Qui moult amez honneur la belle,
Vous devez bien, a dire voir,
De ce[9] cop ci honneur[10] avoir.
Car bien et bel et sagement
L’avez dit ; et certeinnement,
Dieus pour moy dire le vous fit,
Car j’en averay le profit[11].
« Si que, gentils dame de pris,
Je croy que bien avez compris
L’entention des[12] deus parties.
Page:Machaut - Œuvres, éd. Hœpffner, I.djvu/348
Apparence
Le texte de cette page a été corrigé et est conforme au fac-similé.