Je reçus ceſte lettre cy
Droit en la ville de Crecy.[1]
Là fu le duc de Normendie,
Mon droit Signeur, quoy que nuls die.[2]
Car fais ſuis de ſa nourriture,[3]
Et ſuis ſa droite créature.
Et quant je les os pourvéu,
Et .iii. fois ou .iiii. léu,
Je ne péuſſe ſouhaidier
Riens qui tant me péuſt aidier
À ma maladie amoureuſe.
Car ma dame m’eſtoit piteuſe,
Et me promettoit franchement
Joie, pais & alligement,
Par vraie & juſte experience :
Si que je n’avoie grevence
Ne riens nulle qui me fuſt dure ;
Ains vivoie en plaiſance pure,
Pour ce que par amours l’amoie.
Et, en ce plaiſir, je penſoie
À ſa grant biauté ſouveraine,
Qu’ele eſt trop plus belle qu’Elaine ;
Et encor plus à ſa bonté
Dont je vous ay aſſez compté.
Si faiſoie concluſion,
Selon ma ſimple opinion,
Qu’on doit priſier les choſes belles,
Page:Machaut - Le Voir Dit, 1875.djvu/190
Apparence
Le texte de cette page a été corrigé et est conforme au fac-similé.
136
[vers 3151]
LE LIVRE