Paris, auquel il avoit procuré un Régiment pour le servir en la guerre des Estatz, ce qu’il devoit tenir secret ; et c’estoit sur la fin du régime qui luy avoit esté ordonné pour l’accident que dessus. Monsieur du Plessis donq l’en avertit à ce qu’au plus tost que sa santé le luy permettroit, il se présentast à S. M., ce qu’il fit, et en fut fort favorablement receu, et luy fit fort clairement entendre M. de Villeroy que cest honneur ne luy venoit que du propre mouvement du Roy ; sa ditte Majesté donq luy déclara son intention de faire pour le printemps trois régimens, nomméement pour la guerre des Pays-Bas, qui se devoit entamer par la coste de Flandres, dont l’un seroit pour M. de Soubize, l’autre pour luy, et le tiers estoit en doute entre le filz du sieur de Favaz et le sieur de Béthune. Et là dessus nostre filz avoit jette les yeux sur ceux qu’il avoit à emploier, à quoy s’offroient de toutes partz gentilzhommes et capitaines des meilleures qualitez. Ceste résolution néantmoins fut tost changée, tant sur la protestation que fit l’ambassadeur d’Hespagne, sy telle chose avoit lieu, que le lendemain son maistre déclareroit la guerre, au Roy, que sur les instances du nonce du Pape lequel se rendoit protecteur de la paix par luy faicte entre les deux Rois ; joinct qu’en ceste saison, advint la mort du Pape Clément VIIIe auquel ayant succédé le cardinal[1] de Florence qui fut nommé Léon XIe, de l’élection duquel, chose paravant inouye en France, on avoit fait feux de joye, et
- ↑ Léon XI, Alexandre Octavien, de la maison de Médicis, élu pape le 1er avril 1605, mourut le 27 du même mois à l’âge de 70 ans.
