que ie vous en aye fait ſortir. Il ne faudra pourtant pas, dit-elle, que vous alliez à Cluſium, de peur de n’eſtre pas Maiſtre de vous meſme en ce lieu-là : c’eſt pourquoy il faudra que vous alliez aupres du Roy de Cere, qui eſtant demeuré neutre pendant cette Guerre, eſt fort propre à eſtre Mediateur entre le Roy de Cluſium, & le Prince mon Mary. Mais auant que la choſe s’execute, il faut que vous me promettiez qu’en cas que par vos ſoins, & par voſtre adreſſe, vous ne puiſſiez porter ces deux Princes à faire la Paix, & à conſentir que vous eſpouſiez Galerite, vous reuiendrez reprendre vos Fers : car il ne ſeroit pas iuste, ſçachant quelle eſt voſtre valeur, & voſtre bonne fortune à la Guerre, que i’allaſſe remettre vn auſſi vaillant homme que vous, à la Teſte d’vne Armée, qui deuroit combatre contre Mezence. Car enfin, quoy qu’il ſoit tres violent,
