Reine, excepté deux Eſclaues qui la ſeruoient, il n’y auoit preſques rien à craindre, pourueû qu’elle pûſt eſtre de l’intelligence. De ſorte que tous les ſoins de Galerite n’allerent plus qu’à s’aquerir entierement cette Dame, qui ſe nomme Flauie, & qui eſt sœur de Nicius, qui eſt preſentement icy. Mais à dire le vray, il ne fut pas difficile à cette Princeſſe, de l’obliger à la ſeruir, & à luy eſtre fidelle : car outre qu’elle eſt naturellement tendre & pitoyable, elle auoit encore vne inclination particuliere, qui la portoit à aimer cherement Galerite. Ioint que celle qui auoit eu ſoin de ſa conduite, eſtoit ſi adroite, & ſçauoit ſi admirablement meſnager l’eſprit de ceux dont elle vouloit obtenir quelque choſe ; qu’il euſt eſté tres difficile à Flauie, de reſiſter au merite de l’vne, à l’adreſſe de l’autre, & à la compaſſion
