qu’elle auoit pour les malheurs d’vne ſi belle & ſi vertueuſe Reine. Galerite attendit pourtant le plus long temps qu’il luy fut poſſible à ſe deſcouurir, pour voir ſi le Prince de Perouſe ne ſe laſſeroit point de ſon iniuſtice : mais aprenant au contraire par quelques-vns de ſes Gardes, qu’il paroiſſoit touſiours plus irrité contre Porſenna ; qu’il n’oublioit rien de tout ce qui pouuoit le rendre Maiſtre de ſon Eſtat ; & qu’il couroit bruit que ſi Cluſium ſe ſoumettoit à luy, il feroit aſſurément mourir ce Prince ; elle acheua de ſe determiner à ſe confier à Flauie : à qui elle aprit l’eſtat où elle ſe trouuoit, & la peur où elle eſtoit que Mezence ne le ſçeuſt. Mais elle le luy aprit auec des paroles ſi touchantes, & des coniurations ſi tendres, de vouloir luy eſtre fidelle, & de luy vouloir aider à ſauuer la vie à vn innocent
