tée, & qui ne l’auoit meſme pas pour touſiours. Voila donc madame, l’eſtat où en eſtoient les choſes, lors que le Prince de Carthage, Aronce, Amilcar, & Horace, y arriuerent. Mais comme le hazard cauſe les euenements les plus remarquables, par de foibles commencemens, la maniere dont Aronce reuit la belle Clelie, contribua peut-eſtre à la paſſion qui a fait depuis tout le tourment de ſa vie. Car vous ſçaurez Madame, que comme Carthage a eſté autrefois commencée de baſtir par l’illuſtre Didon, en vne Place qui luy fut venduë par des Pheniciens, qui s’y eſtoient déja habituez, & qu’elle a eſté acheuée par eux ; il eſt touſiours demeuré depuis cela, vne marque de dépendance de cette ſuperbe Ville, à celle de Tyr : car on y fait tous les ans conſtruire vn magnifique vaiſſeau, dans lequel on enuoye aux Pheni-
