Carthage, puis qu’il auoit intention d’aller à Rome dés qu’il pourroit y retourner, plus il s’opiniaſtroit à vouloir faire reüſſir ſon deſſein. De ſorte que Clelius & Sulpicie eſtoient extrémement affligez de ſe voir ſous le pouuoir d’vn homme amoureux : & d’vn homme à qui ils vouloient refuſer tout ce qui pouuoit ſatisfaire ſa paſſion. D’autre part quoy que Sulpicie teſmoignaſt auoir beaucoup d’amitié pour Horace, parce que Clelius le vouloit ainſi, il eſtoit pourtant vray que dans le fonds de ſon cœur, elle auoit quelque ſecrette diſpoſition à ne rendre pas iuſtice à ſon merite : parce qu’il eſtoit Fils d’vne Perſonne dont Clelius auoit eſté fort amoureux, & qu’il auoit penſé autrefois eſpouſer. Si bien que Sulpicie conſeruant encore quelques reſtes de ialouſie, qui luy perſuadoient que ſon Mary n’aimoit Horace que parce
