adiouſtant encore beaucoup d’autres raiſons qui ne ſeruirent qu’à faire voir à Maharbal que ce Prince eſtoit amoureux de Clelie, & qu’il auoit choiſi vn mauuais Confident. De ſorte que cette penſée excitant vn fort grand trouble dans ſon eſprit, il quitta le Prince de Numidie aſſez bruſquement : & ſans differer dauantage, il fut chez Sulpicie ; où apres auoir eſté quelque temps en conuerſation generale il trouua l’occaſion de parler en particulier à Clelie : & il taſcha de luy perſuader qu’elle deuoit trouuer fort eſtrange, que Clelius ne pretendiſt la marier que quand il retourneroit à Rome : ou du moins ne luy faire eſpouſer qu’vn malheureux exilé, lors qu’il pouuoit luy donner le premier rang dans vne des premieres Villes du Monde. Seigneur, luy reſpondit Clelie, ce n’eſt pas à moy à examiner
