ques à la mort. Mais Madame, ce qui fait que ie parle comme ie fais, eſt que i’ay à vous aduertir que ſi vous ne ſortez bien toſt de Carthage, vous vous expoſez à eſtre la plus malheureuſe Perſonne du monde : & que vous offrant vn Aſile à la Cour du Roy mon Pere, ie crains que vous ne veüilliez point y aller, parce que ie vous ay deſcouuert mon amour. Cependant ie vous iure, & vous proteſte, que quoy que ie ſois plus amoureux que Maharbal, ie ne ſeray iamais auſſi iniuſte que luy. Clelie entendant parler ce Prince de cette ſorte, en fut extrémement ſurpriſe : car elle connut bien qu’il ſçauoit quelque choſe où elle auoit intereſt : auſſi luy parla-t’elle vn peu moins ſeuerement, afin de l’obliger à luy dire ce qui luy donnoit lieu de luy parler ainſi : & en effet ce Prince luy raconta ſa conuerſation auec Ma-
