me ſi cruel, ſe mirent en deuoir de luy obeïr ; & luy auroient obeï effectiuemét, ſi Aronce apres luy auoir dóné vn coup de reuers ſur la teſte, qui l’eſtourdit, n’euſt eſté droit à ceux qui alloient tuer, & Clelius, & Horace, s’il fuſt arriué vn moment plus tard. Mais comme il en tua d’abord vn, & qu’il en bleſſa deux autres, il eut l’auantage de rendre à Clelius ce qu’il luy deuoit, en luy ſauuant la vie : & il la ſauua meſme à ſon Riual, en penſant ſeulemét la ſauuer à ſon Amy. Cependant ce cruel Corſaire eſtant reuenu de ſon eſtourdiſſement, reuint à la charge ſuiuy des ſiens : mais comme Clelius & Horace auoient pris les Eſpées de ceux qu’Aronce auoit mis hors de combat, ils le ſeconderent, & ie le ſouſtins auſſi, pendant que le reſte des noſtres combatoit à l’autre bout du Vaiſſeau. Le Corſaire voyant alors que les choſes n’alloient pas auſſi
