toute ma vie. Mais ſi cela eſt, repliquay-ie en riant encore, il faut donc que vous cherchiez vn autre Confident que moy, & que i’en cherche auſſi vn autre que vous : car ſi vous auez reſolu de me parler eternellement de Clelie, à quelles heures, & en quel temps vous pourrois-ie parler de Fenice ? Il eſt vray, dit il, qu’vn Amant n’eſt guere propre à eſtre Confident d’vn autre : mais cruel Amy, vous n’eſtes pas amoureux de la maniere que ie le ſuis. Vous aimez Fenice quád vous la voyez, pourſuiuit-il, & vous ne l’aimez preſques plus quand vous ne la voyez, point : & la paſſion que vous auez pour elle, eſt pluſtoſt vn amuſement volontaire, qu’vne veritable paſſion : c’eſt pourquoy il ne vous eſt pas trop difficile de ne parler pas ſi ſouuent de Fenice, & de me laiſſer parler de Clelie. Vous auez donc ab-
