geaſt, ie trouuay qu’au lieu de ne vouloir plus entendre parler de Clelie, il ne vouloit plus parler d’autre choſe. En effet ſi ie penſois luy dire ſeulement quatre paroles ſur vn autre ſuiet, il ne me reſpondoit pas, & recommençoit à me parler de Clelie. De ſorte que ne pouuant m’empeſcher de luy en faire la guerre ; mais à ce que ie voy, luy dis-ie en riant, vous auez bien changé de ſentimens, depuis noſtre derniere viſite : car vous auez voulu ſortir de la Ville pour n’entendre plus parler de Clelie, & vous ne pouuez plus parler que d’elle. Non non Celere, me dit-il, ie n’ay point changé de ſentiment : mais ce qu’il y a de vray, c’eſt que ie n’eſtois pas de celuy dont ie penſois eſtre : & qu’encore que ie diſſe que ie ne voulois plus aimer Clelie, i’eſtois pourtant reſolu de l’aimer eternellement, & d’en parler
