Cette page a été validée par deux contributeurs.
vous proteſte que voſtre Lettre ne m’a pas donné vn moment de colere. Apres cela ie penſe que ie n’ay que faire de vous expliquer dauantage mes ſentimens : & que vous croirez bien, que ie ne croy pas que vous ſoyez amoureux de moy.
Voila donc Madamme, quel fut le Billet de Clelie, à Aronce : & voicy quel fut celuy qu’elle eſcriuit à ſon Riual.
CLELIE
A HORACE.
És qu’on eſt deux à faire vne fourbe, on la rend plus aiſée à deſcouurir : ne pretédez donc pas, ie vous en coniure, que la voſtre ait heu-
