ſorte que voulant teſmoigner à Horace qu’il s’intereſſoit obligeamment à ce qui le regardoit, il le pleignit d’auoir vne paſſion ſi cruelle dans le cœur : le priant en ſuite de vouloir luy dire ſon auanture. Helas mon cher Amy, luy dit-il, mon auanture ſe raconte en peu de paroles : car dés que ie vous auray dit que i’aime ſans eſtre aimé ; i’auray dit tout ce qui m’eſt arriué depuis que ie ſuis amoureux. Mais comment l’abſence, reprit Aronce, ne vous a-t’elle point gueri d’vne amour ſi mal reconnuë ? Comme il parloit ainſi, & qu’Horace alloit luy dire qu’il n’eſtoit point abſent de la Perſonne qu’il aimoit, & qu’il alloit enfin luy nommer Clelie ; Clelius entra dans la Chambre d’Aronce, & rompit la conuerſation de ces deux Riuaux, qui ſe connoiſſoient ſi mal. Elle ne pût meſme ſe renoüer ce iour là, ny de long temps
