vous aprochent : puis qu’il eſt vray que ie ne voy point de Route qui me puiſſe conduire où ie veux aller, dans cette ingenieuſe Carte que vous auez faite : car ie ne puis toucher voſtre inclination ; ie n’ay pas aſſez de merite pour aquerir voſtre eſtime ; ie ne puis iamais vous obliger à nulle reconnoiſſance & ie ne ſçay enfin quel chemin prendre. Ioint qu’à dire les choſes comme ie les penſe, ie ne ſçay ſi ie ne veux point aller où quelque autre plus heureux que moy eſt deſia arriué : & ſi ce Païs où l’on dit que perſonne n’a encore eſté, n’eſt point connu de quelqu’vn de mes Riuaux : car Madame, d’où viendroit cette dureté de cœur que vous auez pour moy, ſi vous ne l’auiez tendre pour quelque autre ? vous auez naturellement l’ame douce, & le cœur ſenſible : ie connois bien que vous auez de l’eſtime
