euſt parlé, repliqua Herminius, ie dirois ſans doute vn menſonge : mais ſi ie vous dis qu’elle a eſuité aueque ſoin de m’en parler, ie vous diray vne choſe qui vous eſt plus auantageuſe que vous ne penſez : car enfin i’ay connu ſi clairement que ce qui l’empeſchoit d’en vouloir parler, eſtoit qu’elle ſentoit qu’elle ne le pourroit faire ſans donner quelques marques d’eſtre plus de voſtre party que de celuy d’Horace, que ie n’en ſçaurois douter : car ie l’ay veüe rougir de ſes propres penſées ; ie l’ay veüe faire ſemblant de n’entendre pas ce qu’on diſoit de vous ; ie l’ay veüe pourtant preſter l’oreille pour l’entendre mieux ; & ie luy ay veû quelques legeres marques de depit, lors que Stenius, qui comme vous le ſçauez eſt Amy d’Horace, a dit quelque choſe de luy, qui luy eſtoit auantageux. Ha
