auſſi quelque chagrin : car comme Fenice eſt vn peu bizarre, & vn peu iniuſte, elle ſe mit dans la fantaiſie de ſe prendre à moy de ce que Clelie luy auoit fait froid, & de ce qu’Aronce n’auoit pas eu aſſez de ciuilité pour elle, lors qu’elle l’auoit veû auec Clelie : & elle pretendit meſme que ie deuois rompre auec tous les deux à ſa conſideration : de ſorte que nous euſmes vn grand démeſlé, qui me guerit preſques de mon amour. Mais pour en reuenir à Aronce, il fut encore plus malheureux qu’il n’eſtoit : car Clelius s’eſtant mis dans la fantaiſie qu’il s’eſloignaſt de Capouë deuant qu’Horace eſpouſaſt Clelie, il fut le trouuer pour le luy dire : & il le luy dit en effet ſi fortement, qu’il ne ſçauoit que luy reſpondre : car comme il luy deuoit toutes choſes, & qu’il le regardoit touſiours comme le Pere de Clelie, il n’oſoit s’empor-
