luy diſt d’vne maniere qui ne la détrompaſt point. Et en effet Madame, Clelie ne fut point deſabuſée : car le hazard fit que lors que cet Eſclaue retourna chez elle, il y auoit aſſez de monde dans ſa Chambre : de ſorte que ne voulant pas qu’il luy vinſt rendre conte de ce qu’elle luy auoit commandé, de peur que ceux qui eſtoient aupres d’elle ne l’entendiſſent, elle luy demanda tout haut, s’il n’auoit pas fait ce qu’elle luy auoit ordonné ? ſi bien qu’apres qu’il luy eut dit ſeulement ouy ; elle luy fit ſigne de la main, qu’il ſe retiraſt. Clelie eſtant donc perſuadée qu’Horace n’auoit garde de manquer à cette aſſignation, ne ſongea plus qu’à s’y rendre. Il arriua pourtant vne choſe, qui penſa l’en empeſcher : car Clelius voulut que Sulpicie allaſt en vn lieu où elle deuoit eſtre toute l’apreſdiſnée.
