pouë : laiſſant ordre à Clelius, & à Sulpicie, de leur enuoyer par vne voye ſeure toutes les choſes qu’ils ſçauoient eſtre neceſſaires, pour faire que le voyage d’Aronce euſt le ſuccés qu’il ſouhaitoit : apres quoy ces deux Amis le commencerent & le pourſuiuirent ſans aucun obſtacle, quoy que le chemin ſoit aſſez long : iuſques à ce qu’eſtant arriuez vn ſoir au bord du Lac de Thraſymene, ils s’arreſterent pour en regarder la beauté. Et en effet il eſtoit digne de la curioſité de deux hommes auſſi pleins d’eſprit qu’Aronce & Celere : car comme il a trois belles & agreables Iſles, elles auoient alors chacune vn aſſez beau Chaſteau : & tout à l’entour du Lac il y auoit pluſieurs Villages, & pluſieurs Hameaux, qui rendoient ce Païſage vn des plus beaux du Monde. Mais à peine Aronce & Celere
