eurent-ils eu le loiſir de conſiderer la grandeur & la beauté de ce Lac ; qu’ils virent ſortir de la Pointe d’vne de ces Iſles deux petites Barques, dans vne deſquelles Aronce vit la chere Clelie & Horace, auec ſix hommes l’Eſpée à la main, qui se deffendoient contre dix qui eſtoient dans l’autre. Cette veuë le ſurprit d’vne telle ſorte, que d’abord il ne vouloit pas croire ſes yeux ; mais Celere luy ayant confirmé qu’ils ne le trompoient pas, il creût en effet qu’il voyoit & sa Maiſtreſſe, & ſon Riual : & il luy ſembla meſme que celuy qui eſtoit à la Prouë de la ſeconde Barque, eſtoit le Prince de Numidie qu’il aimoit fort. En cet inſtant Aronce ſe trouua bien embarraſſé : car il n’y auoit point de Bateau proche du lieu où il eſtoit, & il falloit faire prés de deux Mille pour en trouuer, à ce que luy dit
