mais : car à n’en mentir pas, quand mon Pere ne vous obligeroit point à partir, ie vous y obligerois : c’eſt pourquoy ſi le deſſein que i’ay ne reüſſit pas, comme ie croy qu’il ne reüſſira point, il faut que vous faciez ce que mon Pere veut ; afin de ne me mettre pas dans la neceſſité de vous faire volontairement vn commandement rigoureux. Comme Clelie acheuoit de prononcer ces paroles, Horace qui auoit ſçeu fortuitement qu’elle eſtoit dans ce Iardin, y vint : de ſorte que cette belle Fille, ne le vit pas pluſtoſt de loin, dans vne Allée détournée qui aboutiſſoit dans celle où elle eſtoit ; qu’en aduertiſſant Aronce, elle le pria de ſe ſeparer d’elle, afin qu’elle fiſt ce que Sulpicie luy auoit ordonné de faire. Mais Madame, luy dit-il, qui m’aſſurera que cette conuerſation ſera telle que ie la deſire ? celle que ie viens d’auoir
