vn Guide du Païs qui le deuoit mener iuſques à Perouſe. Cependant il falut qu’il ſe reſoluſt à aller iuſques là : car comme les deux Barques s’eſloignoient touſiours de luy en combatant, comme ſi elles euſſent voulu prendre la route de la ſeconde Iſle du Lac, il iugeoit bien que quand il auroit entrepris de forcer ſon Cheual à nâger, il n’auroit iamais pû les ioindre : car Horace faiſoit ramer avec vne diligence eſtrange. De ſorte que voyant encore plus d’aparence de pouuoir ſecourir ſa Maiſtreſſe en allant au lieu où on luy diſoit qu’il trouueroit des Bateaux, il pouſſa ſon cheual à toute bride vers vn endroit où le Lac s’enfonçoit dans vn grand Bois, dont il falloit trauerſer vn coin pour aller à vne Habitation où ce Guide d’Aronce aſſuroit qu’il y auoit touſiours des Bateaux. Mais en y allant il re-
